ده عجبني وده معجبنيش ..

الموضوع ده هنقول فيه كل حاجة ..

يعني مثلاً :

سمعت قارئ للقرآن وعجبك صوته وحبيت تقولنا عليه ..

وغيرك هيقول القارئ اللي بيحب يسمعه وليه بيعجبه وليه التاني مش بيعجبه

في فيلم جديد إتفرجتوا عليه .. اللي شافه ييجي قوله وكأنه ناقد ونتناقش مع بعض

لو رحت مكان جديد .. قولنا عليه وإحكيلنا إيه اللي عجبك وإيه اللي معجبكش ..

في ألبوم نزل جديد في السوق .. عجب سين ومعجبش صاد ..

موضة جديد نزلت عجبتك أو معجبتكش ..

المطرب ده والممثلة ده عجبني وده معجبنيش ..

مسلسلات رمضان .. عجبني مسلسل ..... أوي عشان ......

يارب تكونو فهمتو فكرتي ..

انا هبدأ مثلاً
أنا عن نفسي بحب أوي لما أسمع قراآن أسمع صوت هادي

لأني بقدر أفهم الكلام وأحس براحة وأنا بسمعه

وعشان كدة بحب أوي الشيخ " محمد أيوب "

انا بحب اسمع لليشخ سعد الغامدي

انا بحب أسمع الشيخ مشاري العفاسي..
لأنه غير قرآة القرآن الاعتيادية و خلى ناس كتير تبتدي تسمع القرآن أكتر من الأول..

فعلاً يا موني أنا كمان بحب الشيخ راشد العفاسي جداً

صباح الخير عليكم

انا بحب استمع للشيخ ماهر المعقيلى
صوتة مشالله صليت الفجر فى الكعبة وبصراحة مكنتش عايزة يبطل قراءة قراءن
مشالله علية وعلى حلاوة صوتة

اما بالنسبة للغناااااااء
كاظم الساهر .. هانى شاكر ... شيرين .. عبدالله الرويشيد ... عبدالمجيد عبدالله

طبعا الكينج عمرو دياب .. وأصالة ..

طب إيه رأيكو في ألبوم عمرو دياب الجديد .. إيه أكتر أغنية عجبتكو ؟؟

مبحبوششش

مبتحبش عمرو دياب ؟؟؟؟؟؟؟ ليه بس !!!

تصدق يا حسن ذوقك كربونه من ذوقي في السمع
وزيد على المقرئين سعد الغامدي واحمد بن على العجمي

والمطربين انغام وصابر الرباعي وماجد المهندس وبموت في الاغاني القديمه
وعمرو دياب بس اغني معينه

آه أنا بحب صابر الرباعي أووووووي بجد فنان وليه أغاني تحفة وصوته جمييييل جداً

بالنسة للمطربين المفضل عندي فضل شاكر لأن صوتو حنييييين أوي و المطربة شيرين لأن صوتها كلو أحساس..

فضل شاكر أوكيييييييي .. لكن شيرين إخيييييييييييييي
مش بحبها خاااااالص

ابا بحب صوتها و أغانيها و أحساسها في الاغاني لكن شخصيتها وحشة أوووي..

إيه أحلى ألبوم عجبك في الألبومات اللي ظهرت الفترة اللي فاتت ؟

عمرو دياب
تامر حسني
محمد حماقي
وائل جسار
رامي صبري

شيرين
جنات
أنغام

نسيت تكتب فضل شاكر pale

وانا بقول آلبوم فضل شاكر لانو تحــــــــــفة محصلتش..

آىسف فعلاً نستيه يا موني .. هو فعلاً تحفة ..

احلى الالبومات اللي نزلت كان البوم جنات والبوم فضل
تقريبا من احلى الاغاني اللي سمعتها فحياتي
وكمان زكريات متتنسيش .... ابدا

فعلاً أحلى الأغاني اللى سمعتها في حياتي كانت من آلبوم فضل شاكر...
و كل أغنية فيه ليها معني خاص عندي..
لأن صوتو مليان أحساس...

طيب نسيب الألبومات شوية .. ونقول مين إتفرج على فيلم 1000 مبروك بتاع أحمد حلمي .. وإيه رأيكو فيه ؟

انا بصراحه مشفتوش لكن بحب الكوميديا الراقيه الي بيأدمها احمد حلمي
واحسن فيلم عجبني الموسم اللي فات (دكان شحاته)
وبجد بحيي المخرج خالد يوسف وفريق الفيلم كله بجد ابدعوا

فعلاً فيلم دكان شحاتة كان فيلم رائع ومن قبله كان فيلم هي فوضى
صراحة خالد يوسف في الفيلمين دول إنتقل لمرحلة جديدة من الإبداع في السينما

يا جماعة موضوع الماتش ده خد أكبر من حجمه
وبقت أزمة سياسية والنهاردة وأنا جاي الصبح بسمع أخبار سوا على الراديو
والسفرا بتتكلم والمصريين اللي بيشتغلوا في الجزائر رجعوا
وآل هيبعتوا طياريتن من مصر عشان ياخدوا المصريين من هناك ولا كأنهم أسرى
وكام ألف طيارة حربية ولا كأن في حرب النهاردة بين مصر والجزائر
مش عاجبني صراحة اللي بيحصل ده

يا جماعة فيلم 2012 خطير .. أنا دخلته إمبارح والفيلم رهييييييييب
أنصحكو تدخلوه بجد ومتتفرجوش عليه على التي في أو الدي في دي ولا على الكمبيوتر لازم تشوفوه في السينما بجد أبدعو في التصوير والإخراج وهيفوتكو نص عمركو لو مشفتهوش

فلم 2012 Doomsday انتاج سنة 2008
تقصدى الفيلم دا وفى اى سينما معروض نورا

في كل السينمات اللي في الكويت
وأدخل على موقع
[ندعوك للتسجيل في المنتدى أو التعريف بنفسك لمعاينة هذا الرابط]

فعلا فيلم 2012 خطير
ولازم يتشاف فالسينما

مينفعش فالبيت

زي ما قالك عبد الرحمن أدخل علىالموقع ده واختار السينما اللي إنت عايزها والوقت اللي عايزه ولو حبيت تحجز ممكن تحجز بالكي نت على الموقع

طيب احسن سينما فى الكويت فين اصل انا مرحتش سينما كل الافلام بتجيلى دفى دى

خلي بالك يا أبو علي إن مفيش غير شركة واحدة بس في الكويت
هي cinescape اللي هي شركة السينما الوطنية الكويتية
فكل السينمات اللي في الكويت نفس الإستايل وكل شيء فيها متشابه
كل اللي بيفرق من مكان للتاني صالة الإستقبال في المول نفسه
يعني عندك في الأفينوز ومول 360 الجديد صالة الإستقبال في منتهى الروعة
وتحس إنك فدولة أجنبية مش عربية
لكن كل صالات العرض في الداخل زي بعض
وإنت إختار حسن أقرب مول لمكان سكنك والميعاد اللي هتلاقيها مناسب
وهقولك معلومة وأكد الكل عارفها إن السينما يوم الإثتنين بنص السعر
ومتسألنيش إشمعنى الإثنين لأن السؤال ده محيرني أنا شخصياً ههههههههه
يعني في كل الأيام التذكرة ب 3 د.ك ويوم اللإثنين بـ 1.5 د.ك !!

طيب ممكن اعزمكم على السينما يوم الاثنين الصبح وانا مش فاضى الا الصبح

هههههههههههههه وهذا ما يسمى عزومة المراكبية يا أعضاء المنتدى الكرام

وده الاتنين ولا فيوم تاني

عشان نحسبلك التكلفة

ههههههه

لقد قلت ما عندى ياسادة ولكم الحرية المطلقة afro

عارفينك قدها وقدود يا بو علي

ان هذا للمزاح فقطاً

تحياتي

إحنا مستعدين بس بشرط .. تعزم 10 بنات مصريات معانا
وتقولهم كال الكلام اللي بتقوله عليهم في المنتدى
وطبعاً ده هتبقى آخر مرة نشوفك يا أبو علي والله يرحمك هههههه

طبعا ياكيمو

وعلى فكرة ياعبدالرحمن حصل من فترة قصيرة جدا لا تتعدى عدة شهور وكنت مع احدى المجموعات من المدرسين على البخر وتناقشنا الى درجة اغضبت البعض منهم لدرجة البكاء والانسحاب من الحوار ومن ثم انصرفت فى هدؤ لانهم مختونات فكريا

مش المصريات يا أستاذ حسن اللي يبكوا وينسحبوا لمجرد حوار

لا يوجد الا الدموع عندما تحاصر بكم من الاسئلة وخصوصا من شخص يفهمهم اكثر من انفسهم

إيه رأيكو فألبوم إليسا الجديد ؟

اليسا تجنن اذا فما بالك بالبومها

ألبوم إليسا جميل جداً وبالذات أغنية عيشة والسلام
الأغنية ده اللي يدقق فكلماتها كويس هيلاقيها أغنية رائعة
وبتوصف حال ستات كتير
لأنك بتحس إنه على لسان زوجة عايشة مع زوجها رغم إنه تغير معاها أو أصبح قاسي
لكنها بتحبه ومتقدرش تعيش من غيره وعشان كدة مستحملة لأن حياتها من غيره مش هتبقى أسهل من حياته معاه مهما كان وحش ..
وإهداء مني ليكو كلمات الأغنية عشان تحسوا بجمال الأغنية

اهى يلاعيشه والسلام ده كتر الكلام وياه مبيأثرش وبقول زى بعضه انا عارفه ليه بصبر عليه
عشان فاكره ليه ايام وعشره وحب وحاجات حلوه برضه..
اهى يلا عيشه والسلام ده كتر الكلام وياه مبيأثرش وبقول زى بعضه انا عارفه ليه
بصبر عليه عشان فاكره لييه ايام وعشره وحب وحاجات حلوة برضه
ايام وعشره وحب وحاجات حلوة برضه
مع نفسى بستحمل كتير وبسكت واهاوده مع نفسى ببنى كل حلم
بخاف يهده وان شوفت يوم للبعد
بينا طريق بسده عن تعبى ده وحيرتى عنيا مغمضه ولو الحياه وياها ايه مستصعبها دى مش هتبقى
اصعب من الى اعيشها بعده
ماليش اراده فى حبى ليه وفى ايديا ايه غير ان استحمل وادرايه مهما يجرى مقدرش انا اعمل زي
ناس بينسوا خلاص مقدرش انا اتخيل اعيش مع غيره بكره
مع نفسى بستحمل كتير وبسكت واهاوده مع نفسى ببنى كل حلم
بخاف يهده وان شوفت يوم للبعد
بينا طريق بسده عن تعبى ده وحيرتى عنيا مغمضه ولو الحياه وياها ايه مستصعبها دى مش هتبقى
اصعب من الى اعيشها بعده

صراحة يا نورا أنا سمعت الألبوم وعجبني بس أنا مش من النوع اللي ممكن اركز أوي فالكلمات
إلا او كان مطربي المفضل
بس أول ما قريت تعليقك سمعت الأغنية وعجبتني أوووووي وحسيت إنها طالعة من قلب أنثى مجروحة بس بتحب

حبيت أقولكو إني دخلت فيلم عزبة آدم أنا والجماعة
والحمدلله إني لسة بخير ومرحتش المستشفى من إصابات الضرب في البيت
بسبب إن الفيلم زي الزفت ومتخلففنصيحة مني محدش يروحه
والله يسامحك يا نورا

تعقد جلسة خاصة لمحاسبة نورا على الخطأ الذريع الذي كاد ان يؤدي بالسيد بالرحمن / مدير مندى مصريين في الكويت إلى المستشفى.. وهو الآن يحمد ربه ويشكره على أنه لم يذهب للمستشفى إثر هذه المشاهدة...

تعقد المحاكمة وعلى هيئة المحلفين للاجتماع وسماع أقوال المتهمة نورا

محكمة

هههههه معلش هسامحها بقى عشان كانت نيتها سليمة

معلش سامحوني فعلاً مكنش قصدي وأنا لسة مرحتش على فكرة بس واحدة صحبتي دخلت الفيلم وقالتلي إنه فيلم أهبل معلش يا مدير وسامحني يا علاء أنا بس قلت أبلغكم بنزول الفيلم والله كان غرضي شريف

لازم تتحاكم فى محاكمة مشرف الموافق يرفع ايده

حرام عليك يا حسن أنا مكنتش شفت الفيلم قبلها